Яр Чаллыда күпфункцияле үзәккә ярашлылык турында бәяләмә бирелде

2020 елның 27 апреле, дүшәмбе

Татарстан Республикасы Дәүләт төзелеш күзәтчелеге инспекциясе төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланылган энергетика ресурсларын исәпкә алу җайланмалары белән тәэмин ителү таләпләренә җавап бирүе турында ярашлылык бәяләмәсе тапшырып, күпфункцияле үзәкнең әзер булуын раслады.

Күпфункцияле үзәк Чулман проспектында, автокаланың 12 нче микрорайонында урнашкан. Бинада кафе, кибетләр һәм офис бүлмәләре булачак. Өч катлы бинаның гомуми мәйданы 3492,7 кв. метр тәшкил итә.