Чаллы шәһәрендәге социаль ипотека домы ярашлылык турында бәяләмә алды
2019 елның 27 августында Татарстан Республикасының Дәүләт төзелеш күзәтчелеге инспекциясе 63-11 номерлы торак йортның төзелгән, үзгәртеп корылган капиталь төзелеш объектының проект документларының таләпләренә, шул исәптән энергетика нәтиҗәлелеге таләпләренә һәм капиталь төзелеш объектының энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә белән раслады.
10 катлы күпфатирлы йорт Виктор Поляков һәм Габдрахман Әпсәләмов урамнары киселешендәге 63 нче микрорайонда урнашкан. Объектны төзүче булып «Татарстан Республикасы Президенты карамагындагы Дәүләт торак фонды» коммерцияле булмаган оешмасы тора. Яңа төзелешнең гомуми мәйданы 9215,30 кв.метр тәшкил итә. 149 фатир файдалануга әзер. Бина социаль ипотека программасы буенча төзелгән.