Татарстанның Әлмәт районында авыл укытучылары өчен яңа торак йорт тапшырырга әзерләнә

2019 елның 10 июне, дүшәмбе

Татарстан Республикасы Дәүләт төзелеш күзәтчелеге инспекциясенең Көньяк-Көнчыгыш территориаль органы хезмәткәрләре Татарстан Республикасы Әлмәт муниципаль районының Габдрахман авылында Совет урамы буенча ике катлы торак йортны тикшерү эшләрен төгәлләделәр. Төзелеш эшләре тәмамланган.

Татарстан Дәүләт төзелеш күзәтчелеге инспекциясе әлеге объектны тикшерү барышында кагыйдә бозуларны ачыкламады. Бинаның гомуми мәйданы 612,33 кв.метр тәшкил итә. Анда дүрт фатир урнашкан. Йорт авыл мәктәбе укытучылары өчен төзелгән. Йортта ике һәм өч бүлмәле фатирлар, иркен кухня, ванна һәм җиһазлар бар. Торак йорт коммерция нигезендә төзелгән. Объект ярашлылык турында бәяләмә бирүгә һәм алуга әзерләнә.

ТР Дәүләт төзелеш күзәтчелеге инспекциясе матбугат хезмәте