Әлмәттә тренировкалар өчен ябык боз шугалагы ярашлылык турында бәяләмә алды
Татарстан Республикасы Дәүләт төзелешен күзәтү инспекциясе тарафыннан Әлмәттәге тренировкалар өчен ябык боз шугалагына төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеш таләпләренә туры килүе турында бәяләмә бирелде.
Гомуми мәйданы 12871 квадрат метр тәшкил иткән спорт үзәгенең 2 катлы бинасында ике боз кыры булган күнегүләр шугалагы, универсаль спорт залы һәм яшь спортчыларның вакытлыча яшәү урыны урнашкан.
Комплекс халыкның төрле социаль-яшь төркемнәренә физкультура-сәламәтләндерү дәресләре һәм алкалы хоккей, фигуралы шуу һәм массакүләм шуу буенча күнегүләр процессын үткәрү өчен билгеләнгән.
«Нефтяник» спорт комплексы Татарстан Республикасының Әлмәт шәһәрендә Шевченко урамы, 55А йорты буенча урнашкан. Финанслау - төзүченең үз акчаларына, төзүче – В.Д.Шашин исемендәге «Татнефть» ГАҖ, подрядчы - «Арслан» ҖЧҖ.