Торак төзелеше бердәм мәгълүмат системасына таләпләр расланды
Россия Федерациясе Хөкүмәте Торак төзелешенең бердәм мәгълүмат системасына (ЕИСЖС) карата таләпләрне раслады. Тиешле документ рәсми сайтта урнаштырылган. Карар нигезендә мәгълүмат бердәм мәгълүмат системасына мәгълүматны урнаштыру, саклау һәм эшкәртү тәртибе аңлатыла.
Өлешләп төзү өлкәсендә дәүләт контроле буенча вәкаләтле башкарма хакимият органнарының, өлешләп төзүдә катнашучы гражданнарның хокукларын яклау Фондының, ЕИСЖС мәгълүмат ресурсларын кулланганда банклар һәм төзүчеләрнең үзара хезмәттәшлеге тәртибе билгеләнде.
Моннан тыш, карар нигезендә төзүчеләр, тиешле хакимият органнары һәм төзүчеләр проектларын банк белән тәэмин итүче вәкаләтле банклар мәҗбүри рәвештә системага урнаштырырга тиеш булган мәгълүмат исемлеге күрсәтелә.
«Төзелештә бердәм система ярдәмендә күп кенә процедуралар оператив рәвештә башкарыла. Иң кыска вакыт эчендә төзүче яки өлешләп төзү объекты турында мәгълүматлар алмашкан очракта үзгәрешләр кертү, шулай ук әлеге мәгълүматларны субъектның вәкаләтле органына һәм фондка җибәрү мөмкинлеге барлыкка килде. Элек мондый документларны басма рәвештә генә тапшырырга була иде. Тармакның ачыклыгы арта. Кертелә торган мәгълүматлар төзелә торган объектлар турында мәгълүматны анализларга ярдәм итә һәм бу бик мөһим, кагыйдә бозуларны вакытында күзәтеп торырга һәм потенциаль проблемалы объектлар барлыкка килүне күзәтү», - дип шәрехләде Россия Төзелеш министры урынбасары Никита Стасишин.
Торак төзелешенең бердәм мәгълүмат системасы 2017 елда төзелгән иде. 2018 ел башыннан аңа өлешләп төзү объектлары һәм төзүчеләр турында мәгълүматлар кертелә.
РФ Төзелеш министрлыгы.