ТР Дәүләт төзелеш күзәтчелеге инспекциясе башлыгы ТР Төзелеш министрлыгының өлешләп төзү буенча киңәшмәсендә катнашты
ТР Дәүләт төзелеш күзәтчелеге инспекциясе башлыгы Василий Кудряшов Татарстан Республикасы Төзелеш, архитектура һәм ТКХ министрлыгының Казан төзүчеләре, банклар һәм өлешләп төзү өлкәсендә контроль (күзәтчелек) буенча вәкаләтле органнарның вәкилләре белән семинар-киңәшмәдә катнашты.
Киңәшмә барышында төзүчеләрне эскроу-счетларга күчүне кичектермәүне сорадылар, ә банклар исә төзүчеләр белән әлеге счетларга күчү эшен көчәйтүне үтенде. Аерым алганда, финанс-кредит оешмалары белгечләренең гамәлләре автоматлаштырылган булырга тиеш.
Искәртеп узабыз: 2019 елның 1 июленнән төзүчеләр өлешләп төзүдә катнашучыларның акчаларын турыдан-туры файдалана алу мөмкинлегеннән мәхрүм ителә. Төзүчеләр эскроу-счетлар белән эшләргә тиеш булачак, гражданнарның акчалары шунда туплана.
Хәзерге вакытта базарда катнашучыларның адаптация процессы бара. Төзүчеләргә финанслауның әлеге ысулына күчүне тизләтеп, бүген үк банкларга барырга киңәш итәләр.