БМО инициативасы буенча ел саен 9 декабрьдә Коррупциягә каршы халыкара көрәш көне билгеләп үтелә. Нәкъ шул көнне, 9 ел элек (2003 елда), БМОның коррупциягә каршы конвенциясе имзалау өчен ачылган. Бу вакыйга Югары дәрәҗәле сәяси конференциядә, Мексиканың Мерида шәһәрендә була. Конвенция БМО Генераль ассамблеясе тарафыннан 2003 елның 1 ноябрендә кабул ителә. Конвенция 2005 елның декабрендә, 30 ил ратификацияләнгәннән соң үз көченә керде. Россия аны 2006 елның мартында ратификацияләде.