Төзелеш тармагында беренче мәртәбә СРОның контрольлек эшчәнлеген җайга салучы норматив акт кабул ителде
Россиянең Төзелеш министрлыгы яңа методика раслады. Бу документ үзеннән-үзе җайга салынулы оешмалар (СРО) тарафыннан үз әгъзаларына карата аларның инженерлык эзләнүләрен башкаруга, проект документларын әзерләүгә, аеруча куркыныч, техник яктан катлаулы һәм уникаль объектларны төзүгә бәйле эшчәнлегенә контрольлекне оештырганда куркыныч-юнәлеш ысулын куллануны тәэмин итү өчен билгеләнгән.
Инженерлык эзләнүләре, архитектура-төзелеш проектлары, капиталь төзелеш объектын төзү, үзгәртеп кору, капиталь ремонтлау өлкәсендә аеруча куркыныч, техник яктан катлаулы һәм уникаль объектларда эшләр башкаручы төзелеш компаниясе яисә шәхси эшкуар булган СРО әгъзасы тарафыннан төзелешкә карата зарури таләпләрнең үтәлмәвенең потенциаль тискәре нәтиҗәләре авырлыгын һәм аларның үтәлмәү ихтималын бәяләү өчен кулланыла торган Күрсәткечләрнең мәгънәләрен исәпләп чыгару методикасы Россия Төзелеш министрлыгының ведомство боерыгы нигезендә расланган.
Шунысын билгеләп үтәргә кирәк, СРОның контрольлек эшчәнлеген җайга сала торган норматив акт төзелеш тармагында беренче мәртәбә кабул ителде.
Еллык тикшерүләр планын формалаштырганда СРО тарафыннан үз әгъзаларына карата планлы тикшерүләрнең ешлыгы, тематикасы, рәвеше һәм озынлыгы билгеләнә, бу хәл төзелеш компаниясе, шәхси эшкуар булган СРО әгъзасының эшчәнлегендәге куркыныч күрсәткечләре мәгънәләренә карап башкарыла.
Куркынычларның төп күрсәткечләре – контрольлек оешмасы тарафыннан төзелешкә карата белдерелгән зарури таләпләрнең үтәлмәве ихтималыннан килеп чыккан потенциаль тискәре нәтиҗәләрнең авырлык күрсәткече һәм контрольлек объекты тарафыннан зарури таләпләрнең үтәлмәве ихтималы күрсәткече.
Методикада шулай ук һәр куркыныч күрсәткече буенча исәп-хисапларның мисаллары да китерелә.