«Лето» торак комплексында физкультура-сәламәтләндерү спорт комплексы йомгаклау тикшерүен уза
Бу көннәрдә Казанның Совет районындагы «Лето» торак комплексында Әнәс Таҗетдинов урамында урнашкан махсуслаштырылган физкультура-сәламәтләндерү спорт комплексына карата ТР Дәүләт төзелеш күзәтчелегенең йомгаклау тикшерүе уздырыла. Объект төзелешенең 2 нче чираты – спорт залы тикшерелә.
Проект буенча физкультура-сәламәтләндерү спорт комплексы бинасы административ-көнкүреш корпусыннан (төзелешнең 1 нче чираты) һәм ябык теннис кортыннан тора.
АБК җир асты өлеше булмаган турыпочмаклы конфигурацияле ике катлы бинадан гыйбарәт. Төп биналардан тыш, беренче катта ярдәмче техник бүлмәләр каралган: шәхси җылылык пункты, насос, электр щиты бүлмәләре.
Теннис корты – физкультура-сәламәтләндерү комплексының ике катлы бинасына янкорма булып тора. Аның гомуми мәйданы 2038 кв. метр тәшкил итә. Бинага керү верандалары вертикаль планлаштыру хисабына баскычлар һәм пандусларсыз проектлана.
Комплекс территориясендә 16 машина-урынга исәпләнгән автостоянка бар. Ул бинаның көньяк ягында урнашкан. Тукталыш урыннары тиешле билгеләр һәм юл билгеләре белән теркәлгән.
Объектны төзүче – «СтройУслуги-1» махсуслаштырылган төзүче ҖЧҖ. Техник заказчы һәм генераль подрядчы – «Стандарт» идарәче төзелеш компаниясе» ҖЧҖ. Генераль проектчы – «Проектория» ҖЧҖ.
Ахыргы тикшерү тәмамланганнан соң капиталь төзелеш объектына, кисәтүләр булмаган очракта, проект документлары таләпләренә туры килүе турында ярашлылык бәяләмәсе биреләчәк.
