Казанның Галиев урамындагы яңа җир өсте паркингына карата йомгаклау тикшерүе
Казан шәһәренең Совет районында Галиев урамында торак комплексы төзелешенең дүртенче этабында ТР Дәүләт төзелеш күзәтчелегенең йомгаклау тикшерүе бара, аның барышында күп катлы җир өсте паркингы тикшерелә.
Объект төзелеше 2022 елның маенда башланган. Бинаның катлар саны, шул исәптән файдаланыла торган түбәсе һәм җир асты өлеше, – 6. Аның гомуми мәйданы 5851,78 кв. метр тәшкил итә. Машина-урыннар саны – 180.
Инспекциянең йомгаклау тикшерүе башланганчы, биредә инженер-техник тәэмин итү челтәрләрен монтажлау, фасадны төзекләндерү, территорияне төзекләндерү буенча эшләр алып барылган.
Төзүче – «СЗ «РС Инвестмент» ҖЧҖ. Техник заказчы – «СоюзСтройКонтроль» ҖЧҖ. Генераль подрядчы – «СтройБренд» ҖЧҖ. Проектлаучы – «Экспертиза һәм геоэзләнүләр үзәге» ҖЧҖ.
