ТР ДТК инспекциясендә 2023 елда коррупциягә каршы көрәш буенча эш нәтиҗәләре турында фикер алыштылар
2023 елның 25 декабрендә Татарстан Республикасы Дәүләт төзелеш күзәтчелеге инспекциясендә видеоконференция режимында коррупциягә каршы тору комиссиясенең утырышы узды. Чара республика ведомствосы башлыгы В.Р. Нәҗмиев җитәкчелегендә узды.
2023 елда ведомство бюджетының үтәлеше турында доклад белән финанс-икътисад бүлеге җитәкчесе М.В. Васина чыгыш ясады.
2023 елда ТР ДТК инспекциясенең дәүләт ихтыяҗлары өчен товарлар (эшләр, хезмәтләр) сатып алуны гамәлгә ашырганда коррупция дәрәҗәсен киметүгә ярдәм итүче чараларны гамәлгә ашыруы турында дәүләт сатып алулары, мобилизация эше һәм гражданнар оборонасы секторы мөдире А.Р. Хәбибуллина сөйләде.
Хокук эше һәм өлешле төзелешне контрольдә тоту идарәсенең юридик бүлеге җитәкчесе Л.Т. Булатова коррупциягә каршы тору турындагы гамәлдәге законнардагы үзгәрешләр турында хәбәр итте.
Дәүләт хезмәте һәм кадрлар бүлеге җитәкчесе Н.А. Габсәламова 2023 елда Инспекциядә коррупция торышы турында җәмәгатьчелек фикерен сораштыру нәтиҗәләрен һәм комиссиянең 2024 елга эш планын игълан итте. Ул шулай ук җыелучыларга хезмәт (вазыйфа) бурычларын үтәүгә бәйле рәвештә физик һәм юридик затлардан бүләкләр алу һәм бүләкләр бирүгә карата тыюлар турында хәбәр итте.
Комиссия утырышында ТР ДТК инспекциясе җитәкчесенең беренче урынбасары И.Ф. Сафиуллин, территориаль органнар җитәкчеләре, ТР ДТК инспекциясе аппараты бүлекләре җитәкчеләре катнашты.
Чараны Татарстан Республикасы Дәүләт төзелеш күзәтчелеге инспекциясенең дәүләт хезмәте һәм кадрлар бүлеге оештырды.
