Чистайда социаль ипотека программасы кысаларында яңа торак йорт төзелде
ТР Дәүләт төзелеш күзәтчелеге инспекциясе Чистай шәһәренең Шәмсетдинов урамындагы 18 нче йортка проект документлары таләпләренә туры килүе турында бәяләмә бирде.
Тышкы инженерлык челтәрләре булган йортта 5 кат, лоджияле 50 фатир бар, аларның гомуми мәйданы – 1639,40 кв. метр. Бер бүлмәле фатирлар – 40, ике бүлмәле – 10. Бинаның гомуми мәйданы 2034,20 кв. метр тәшкил итә.
Объектны төзүче – Татарстан Республикасы Рәисе каршындагы Дәүләт торак фонды.
Техник заказчы – «Татарстан Республикасының Төп инвестиция-төзелеш идарәсе» дәүләт казна оешмасы. Генераль проектчы – «Квадр» ҖЧҖ. Подрядчы – «СК Строитель» ҖЧҖ.
Яңа торак төзелеше объекты «Торак һәм шәһәр мохите» илкүләм проекты кысаларында төзелгән һәм «Социаль ипотека» дәүләт программасында катнашучылар өчен билгеләнгән.
