Круглое Поле бистәсендә компаундировка мәйданчыгы төзелешенә йомгаклау тикшерүе
ТР Тукай муниципаль районында тимер юл эстакадасы белән компаундировка мәйданчыгы ТР Дәүләт төзелеш күзәтчелеге тарафыннан йомгаклау тикшерүен уза. Ул Круглое Поле бистәсендәге җитештерү базасы территориясендә урнашкан.
Объектны төзүче – «Русэкопроект» АҖ. Техник заказчы һәм проектчы – «Глобал Климат» ҖЧҖ. Генераль подрядчы – «Медведь» төзелеш компаниясе ҖЧҖ.
Проект нигезендә ике постка автоцистерналар агызу мәйданчыгы (АЦ), насос компаундировкасы, бушату-тутыру насослары мәйданчыгы, 1 һәм 2 продуктлар өчен 25 куб. м күләмендәге ике резервуар, әзер продукт өчен 50 куб. м күләмендәге резервуар, 25 куб. м күләмендәге ике авария савыты һәм 60 куб. м күләмендәге бер савыт, 25 куб. м күләмендә явым-төшем агынтыларын җыю савыты, 100 куб. м күләмендәге ике янгын су запасы, маневрлы чыгыр, күбек саклау бинасы, азот блогы, тимер юл эстакадасы, чүп җыю мәйданчыгы каралган.
Объектта «Куркыныч җитештерү объектларының сәнәгать куркынычсызлыгы турында» 1997 елның 21 июлендәге 116-ФЗ номерлы федераль законга 1 пунктта каралган куркыныч матдәләр алына, кулланыла, эшкәртелә. Объектта куркыныч матдәләрнең гомуми саны 200 тоннадан азрак, бу III куркыныч классына туры килә.
Чималны кабул итү объектка автоцистерналар аша башкарыла. Резервуарларга (Р102 һәм Р103) 1 нче продукт, 2 нче продукт кушыла. Насос бүлмәсендә 1 нче продукт һәм 2 нче продукт компаундировкалана (аралаштырыла). Аннары әзер продукт әзер продукт резервуарына (Р101) насослар ярдәмендә тутырыла. Әзер продукт резервуарыннан тимер юл эстакадасында тимер юл цистерналарына төялә.
Эш режимы: продуктларны кабул итү – елына 365 көн, продуктларны җибәрү – елына 260 көн. Сменалар саны – бер. Сменаның дәвамлылыгы – 8 сәгать.
ТР ДТК инспекциянең Төньяк-Көнчыгыш территориаль органы инспекторлары тарафыннан кисәтүләр булмаса, объектка проект документлары таләпләренә туры килүе турында ярашлылык бәяләмәсе биреләчәк.
