Сөлә елгасы аша күперне реконструкцияләү буенча эшләр тәмамланган
ТР Дәүләт төзелеш күзәтчелеге инспекциясе «Казан – Оренбург – Дмитриевка – Поповка», км 11+505 автомобиль юлында Сөлә елгасы аша реконструкцияләнгән күпергә проект документациясе таләпләренә туры килүе турында бәяләмә бирде.
Капиталь төзелеш объекты Татарстан Республикасы Баулы муниципаль районының Поповка авылы янында урнашкан. Аны реконструкцияләү агымдагы елның язында башланган.
Төзелеш проекты гамәлдәге норматив документлар таләпләрен исәпкә алып, аерым конструктив элементларның һәм тулаем корылманың тиешле йөк күтәрүчәнлеген, хәрәкәт куркынычсызлыгын һәм ныклыгын тәэмин итү өлешендә эшләнгән.
Проект буенча күпернең булган конструкцияләрен демонтажлау һәм яңа күпер аша чыгу урыны төзү каралган.
Күперне реконструкцияләү өч этапта башкарылган. Беренче этапта технологик һәм төзелеш мәйданчыкларын төзү, эшләрне башкару вакытына юл хәрәкәтен оештыру, урау юлларны билгеләү, төзелеш һәм технологик мәйданчыклар территориясенә транспортның контрольсез керүенә комачаулаучы җайланмаларны урнаштыру, булган күперне сүтү буенча эшләр башкарылган.
Икенче этапта күпернең төп конструкцияләрен төзү буенча эшләр башкарылган.
Өченче этапта тоташтыру, су агызу системасы, керү юлларын төзекләндерү, битләүләрне ныгыту, вакытлыча юл билгеләрен демонтажлау буенча эшләр башкарылган.
Яңа корылма гамәлдәге СП таләпләренә, проектлау һәм төзелешнең техник нормалары таләпләренә туры килә.
Күпернең озынлыгы – 30,72 м, киңлеге 9,80 м тәшкил итә. Аның тышлыгы – ике катлы, асфальт-бетон.
Автомобиль юлы – ике полосалы. Машиналар йөрү өлешенең киңлеге – 6 м. Автомобиль юлының эш чикләре чикләрендәге участогы озынлыгы, күперне дә кертеп, 79,23 м тәшкил итә.
Транспорт хәрәкәте куркынычсызлыгын күпер барьерлы койма һәм юл коймасы тәэмин итә. Парковка урыннарын күпер аша чыгу полосасы чикләрендә урнаштыру проектта каралмаган.
Объектны төзүче һәм техник заказчы – «Татарстан Республикасы Транспорт һәм юл хуҗалыгы министрлыгы каршындагы Татарстан юл-транспорт комплексын карап тоту һәм үстерү баш идарәсе» дәүләт казна учреждениесе («Главтатдортранс» ДКУ). Генераль проектчы – «МостПроектСтрой» ҖЧҖ. Генераль подрядчы – «Мосты Республики Татарстан» ҖЧҖ.
