Казанда Бохара урамында 17 катлы яңа йорт төзелде
Яңа төзелгән «ТР, Казан шәһәре, Бохара ур. буенча торак комплексы. 2 төзелеш чираты» объектында Татарстан Республикасы Дәүләт төзелеш күзәтчелеге инспекциясенең күчмә йомгаклау тикшерүе узды.
Чара барышында республика ведомствосы инспекторлары бизәкләү эшләренең сыйфатын, янгын куркынычсызлыгы буенча чаралар үтәлешен, территориянең төзекләндерелешен тикшерделәр.
Объект төзелеше 2021 елның августында башланган. Ул 17 кат биеклектәге 2 секцияле бер корпустан гыйбарәт.
Корпусның беренче катларында, урамнар буйлап, коммерция биналары һәм аерым керү төркемнәре булган халыкка хезмәт күрсәтү биналары урнашкан. Җир асты катында – автостоянка, техник биналар.
Бинаның фасадлары заманча материаллар кулланып, заманча стильдә эшләнгән. Төп материал буларак бизәкләү кирпече кулланыла. Фасад композициясендә витраж системалары кулланыла.
Объектның торак өлешендә 225 фатир бар, аларның гомуми мәйданы 11278,40 кв. метр тәшкил итә.
Төзүче – «СК Ай Кью Девелопмент» МТ ҖЧҖ. Техник заказчы – «Строй Контроль Сервис» ҖЧҖ. Генераль подрядчы – «Эллада» ТК ҖЧҖ. Генераль проектчы – «Инкомстройпроект» ҖЧҖ.
Исегезгә төшерик, 2023 елның 8 августында ТР Дәүләт төзелеш күзәтчелеге инспекциясе «Казан шәһәре, Бохара урамы, 1 йорт адресы буенча торак комплексы» объектына проект документациясе таләпләренә туры килүе турында бәяләмә бирде. Казанның Совет районындагы «Яратам» торак комплексында җир асты өлеше булган 17 һәм 26 катлы ике йорт төзелгән иде. Аларга гомуми мәйданы 21793,50 кв. метр булган 462 фатир туры килә.
