Салым турында хәбәрләр алырга вакыт
2023 елның 11 сентябреннән милек салымнарын түләү өчен хәбәрләр таратыла башлады.
Салым түләүченең шәхси кабинетыннан файдаланучыларга салым хәбәрләре электрон рәвештә кертелә. Шуңа күрә әлеге сервистан кулланучыларга шәхси кабинетларын тикшерергә кирәк.
Әлеге сервиска тоташмаган салым түләүчеләргә якын арада салым хәбәрләре почта хезмәте тарафыннан җиткереләчәк. Хәбәрләр җибәрү этаплап барачак һәм октябрьдә тәмамланачак, шуңа күрә һәркемнең 1 декабрьгә кадәр салымнар белән танышу һәм түләү өчен җитәрлек вакыты булачак.
Кәгазьдә салым хәбәрләрен алу белән бәйле уңайсызлыкларны булдырмас өчен, салым органнары электрон аралашуга күчүне һәм, «ФЗ салымнары» мобиль кушымтасыннан яки салым түләүченең шәхси кабинетыннан компьютер яки телефон ярдәмендә, салым эшләре белән өйдән чыкмыйча идарә итүне тәкъдим итә.
Исегезгә төшерәбез, шәхси кабинетта милек хокукларында булган күчемсез мөлкәт объектлары һәм теркәлгән транспорт чаралары турында актуаль мәгълүмат алырга, электрон рәвештә салым хәбәрен алырга, исәпләүләр белән танышырга, салымнар түләргә, 3-НДФЛ формасы буенча салым декларациясен тутырырга мөмкин.
Милек салымнары салым органнары тарафыннан барлык ташламаларны исәпкә алып исәпләнә. Һәр муниципаль берәмлектә мөлкәт салымнары буенча ставкалар һәм ташламалар турында тулырак мәгълүмат өчен Россия Федераль салым хезмәте сайтындагы «Мөлкәт салымнары буенча ставкалар һәм ташламалар турында белешмә мәгълүмат» интернет-сервисына кереп була.
Үзләренең салым хәбәрләрендә республика халкы салымнарны тиз түләү өчен реквизитлар күрәчәк, ягъни уникаль исәпләү идентификаторы (УИН), штрих-код һәм QR-код булачак. Исәпләнгән салымнарны берничә минут эчендә теләсә нинди уңайлы ысул белән Россия Федераль салым хезмәте сайтындагы шәхси кабинеттан, «ФЗ салымнары» мобиль кушымтасыннан яки дәүләт хезмәтләре порталындагы шәхси кабинеттан файдаланып түләргә мөмкин.
Әлеге хезмәтләр һәм дистанцион аралашу мөмкинлекләре салым түләүчеләргә шәхсән барып тормыйча гына, вакытны һәм көчне экономияләп, салым органнарыннан кирәкле хезмәтләр һәм мәгълүмат алырга мөмкинлек бирә.