16 сентябрьдә «Татарстан кроссы-2023» узачак
2023 елның 16 сентябрендә Татарстан Республикасында «Татарстан кроссы-2023» республика массакүләм ярышлары узачак.
Казан «Милләтләр кроссы-2023» Бөтенроссия йөгерү көнендә катнашачак. Чара бер километрдан башлап төрле дистанцияләрне үз эченә алачак. Ярыш маршруты «Урам» экстрим-паркында башланачак һәм Кремль яры буйлап узачак.
Төп йөгерүләрдән тыш, спорт ветераннары, студентлар һәм укучылар өчен махсус чаралар, шулай ук «Хезмәткә һәм оборонага әзер» Бөтенроссия физкультура-спорт комплексы нормативларын үтәү белән бәйле ярышлар да тәкъдим ителәчәк.
Бәйрәм массакүләм йөгерү белән тәмамланачак, анда дүрт меңнән артык шәһәр халкы һәм кунаклары катнашыр дип көтелә.
Чара Татарстан Республикасында массакүләм физкультура-сәламәтләндерү хәрәкәтен популярлаштыру, халыкны актив ял итүгә һәм физик культура һәм спорт белән даими шөгыльләнүгә җәлеп итү максатларында үткәрелә. Аны оештыручы – Татарстан Республикасы Спорт министрлыгы.
► «Милләтләр кроссы-2023» программасы