ТР Дәүләт төзелеш күзәтчелеге инспекциясе Казан полилингваль комплексының яңа объектын тикшерә
Әлеге август көннәрендә ТР Дәүләт төзелеш күзәтчелеге инспекциясе Горький шоссесы урамы, 100 йорт адресы буенча өстәмә белем бирү үзәгендә ахыргы тикшерү уздыра. Объект «Адымнар – белемгә һәм татулыкка юл» полилингваль комплексының бер өлеше булып тора һәм «Пламя» яшьләр лагере территориясендә урнашкан. Техник заказ бирүче – «ТР Баш инвестиция-төзелеш идарәсе» ДКУ. Генераль подрядчы оешма – «Алтын Групп» төзелеш компаниясе ҖЧҖ. Төзелешне башкаручы зат – «Грань» ҖЧҖ.
Шәһәр читендәге өстәмә белем бирү үзәгендә балаларга уку өчен дә, ял итү өчен дә бөтен нәрсә каралган. Биредә ике катлы йокы корпусы бар, анда һәр бүлмәдә балалар һәм тәрбиячеләр өчен йокы бүлмәләре, шулай ук кирәкле һәм техник бүлмәләр проектланган. Шулай ук проектта персонал һәм килүчеләр дә өчен подъездлар һәм керү урыннары каралган. Булган биналарга һәм корылмаларга бәйле җәяүлеләр һәм транспорт юллары ясалган. Хәрәкәт итү мөмкинлеге чикләнгән кешеләр өчен бинаның үзенә һәм 1 нче каттагы бүлмәләргә (йокы бүлмәләренә һәм хәрәкәте чикләнгәннәр өчен универсаль санитар бүлмәләргә) керү мөмкинлеге каралган.
Исегезгә төшерәбез, «Адымнар – белем һәм татулыкка юл» полилингваль белем бирү комплексы Казанда 2020 елның 1 сентябрендә ачылды. Ул 165 номерлы мәктәп базасында оештырылган. Бу республикада рус, татар һәм инглиз телләрен тирәнтен өйрәнүле шундый объектларның берсе. Казан комплексы бинасында күпфункцияле спорт заллары, бассейннар, иҗади остаханәләр, фәнни лабораторияләр, видео- һәм тавыш яздыру студиясе, заманча китапханә бар. Боларның барысы да кызыклы фән, сәнгать, мәдәният һәм спорт өлкәсенә юл ача.
2024 елга Татарстанда «Мәгариф» илкүләм проекты кысаларында барлыгы шундый алты комплекс эшли башлар, дип планлаштырыла. ТР Дәүләт киңәшчесе, «Яңарыш» республика фондының Химаячеләр советы рәисе Минтимер Шәймиев инициативасы белән башланган проектның максаты – балалар рус, татар, инглиз телләрендә белем алачак һәм милләтара татулык рухында тәрбияләнәчәк белем бирү үзәге моделен булдыру.