ТР Дәүләт төзелеш күзәтчелеге инспекциясе хезмәткәрләре Казан шәһәрендә Павлюхин урамында урнашкан «Гаилә ялы үзәге» объектын тикшерде. Бинаның гомуми мәйданы - 137696,9 кв.метр. Хәзерге вакытта бу Татарстанда төзелә торган иң зур объект санала.
Биш катлы бинада күңел ачу мәйданчыклары, ял итү зоналары, кафе һәм кибетләр урнашачак. Проект буенча җир асты һәм беренче катлар паркинг өчен каралган.